Жогорку Соттун төрайымы Гүлбара Калиева видеоконференция аркылуу жумушчу кеңешме өткөрдү

Жогорку Соттун төрайымы Гүлбара Калиева видеоконференция байланыш аркылуу жумушчу кеңешме өткөрдү. Бул тууралуу мекеменин маалымат кызматынан билдиришти.

Анда Жогорку Соттун төрайымы Гүлбара Калиева видеоконференция аркылуу жергиликтүү соттордун төрагалары жана судьялары менен жумушчу кеңешме өткөргөнү маалымдалат.

"Катышуучулар өлкөдө болуп жаткан кырдаалды, ишти кароодогу тоскоолдуктарды талкуулашты.

Кеңешмеде негизги маселе катары органдардын үзгүлтүксүз иштешин камсыз кылыш үчүн соттордун, судьялар менен аппарат кызматкерлердин коопсуздугун камсыз кылуу каралды.

Гүлбара Калиева айрым соттордун төрагалары коопсуздукту камсыз кылыш үчүн кошумча күчтөрдү тартышкандыгын билдирди. Зарыл болгон учурда элдик кошундарды жана күч структураларын тартууну сунуштады. Соттордо нөөмөттөрдү уюштуруу айтылды", - деп жазылат маалыматта.