АКШда узун буттуу өспүрүм кыз дүйнөлүк рекорд койду (фото)

АКШнын Техас штатында жашаган 17 жаштагы Маки Каррин буттарынын узундугу боюнча эки ирет дүйнөлүк рекорд койду. Бул тууралуу дүйнөлүк басылмалар жазып чыгышты.

Маалыматка ылайык, анын буту дүйнөдө кыздар жана өспүрүмдөр арасында эң узун экени далилденди. Кыздын бою 1 метр 98 сантиметр болсо, анын 135 сантиметри бутуна кеткен.

Апасы кызынын бою узун болорун кичине кезинен эле өзү теңдүүлөргө салыштырып билгенин айтат. Учурда Маки апасынан гана эмес, атасынан, агасынан дагы узун.

Кыздын айтымында, жогорку класстарда окуй баштаганда боюнун айынан өзүн ыңгайсыз сезчү. Кийин Инстаграм баракча ачып алган соң белгилүү болуп кеткен. Учурда өзү сыяктуу өспүрүмдөргө боюнан уялбай, тескерисинче сыймыктануу керектигин айтып, кеңеш берип келет. Маки Карриндин баракчасында 50 миңден ашык катталуучу бар.