Саламаттыкты сактоо уюмдарында орундуктар эки этап менен жайгаштырылат

2020-2021-жылдардагы күзгү-кышкы мезгилге, ошондой эле республикадагы эпидемиологиялык кырдаалдын оорлошуусуна, оорулуулардын санынын көбөйүшүнө байланыштуу COVID-19 жана пневмония менен ооруган бейтаптар үчүн саламаттыкты сактоо уюмдарында орундуктар эки этап менен жайгаштырылат. Бул тууралуу республикалык штабдан кабарлашты.

"COVID-19 илдетин дарылоо бөлүмүн жана адистештирилген стационарларды түзүү үчүн саламаттыкты сактоо уюмдарынын стационарларын кайрадан профилдештирүү жөнүндө" буйрукка ылайык, биринчи этапта 4 миң 794 орун, анын ичинде 590 орун интенсивдүү терапия, негизинен инфекциялык бөлүмдөрдүн жана стационарлардын орундуктары киргизилет.

Экинчи этапта терапиялык бөлүмдөрүнүн жана стационарлардын базасында COVID-19 үчүн 3 миң 369 орун каралат. Анын ичинде 634 орун интенсивдүү терапия болот", - деп жазылат билдирүүдө.

Бүгүнкү күндө 2 миң 739 орундук жайгаштырылды, анын ичинде 282 орун интенсивдүү терапия палатасы.