Канат Исаев: "Кыска мөөнөттө туруктуулукту орнотууга салымыбызды кошолу"

Бүгүн, 13-октябрда Жогорку Кеңештин кезексиз жыйыны өттү. Анда спикерлик кызматка депутаттар Канат Исаевди шайлашты. Ал депутаттарга ыраазычылык билдирди.

"Баарыңыздарга ыраазычылык билдирем. Укуктук талаага кайтып келүү боюнча маселе жаралып жатат. Буга парламент өз салымын кошушу керек. Алдыда шайлоо бар. Саясий көз караштардан бөлүнбөй, калыс, адилеттүү мамиле кылам деп сөз берем. Кыска мөөнөттө туруктуулук орнотулду. Популисттик чакырыктар алыс болгон үчүн көп сын-пикирлер айтылды", - дейт ал.