Кыргызстан ВИЧ жугузуп алган адамдардын санынын өсүшү боюнча Борбордук Азияда алдынкы өлкөлөрдүн катарында

Саламаттыкты сактоо министрлигинин маалыматына таянсак, Кыргызстан Батыш Европа жана Борбордук Азиядагы өлкөлөрдүн арасында ВИЧ жуктуруп алган адамдардын санынын өсүүсү боюнча алдынкы өлкөлөрдүн катарында. 2013-жылдын 1-сентябрына карата өлкөдө аталган илдетти алып жүргөндөрдүн саны 4965 адамга жетти. Расмий эмес маалыматтарда ВИЧ менен жабыркагандардын саны 8727 адам экени бүгүн, 24-сентябрда Бишкекте өтүп жаткан конференцияда айтылды. Конференцияда өлкөдө жугуштуу оорулардын алдын алуу үчүн масштабдуу долбоорду ишке киргизүү маселесин талкуулоодо.