Бишкекте азык чарба жарманкеси өтөт

17-октябрдан баштап шаардыктардын көптөгөн суранычтары боюнча, айыл чарба жана азык-түлүктөрдүн салттуу жарманкеси башталат. Бул тууралуу мэриянын маалымат кызматынан кабарлашты.

Маалыматка ылайык, жарманке ишемби жана жекшемби күндөрү санитардык нормаларга жана эрежелерге баш ийүү менен өтөт. Анда өлкөнүн дыйкандары тургундарга жашылча-жемиш, бал, эт жана сүт азыктарын сунушташат.

Жарманке өтчү жайлардын даректери:

• Ленин району:

Жал кичи районундагы Тыналиев көчөсү (“Рахат-Лукум” кафесинин бет маңдайында).

Октябрь району:

• 12-кичи районунда Нуркамал Жетикашкаева жана Аалы Токомбаев көчөлөрүнүн кесилиши.

Биринчи Май району:

• Скрябин жана Абай көчөлөрүнүн кесилиши (К.И.Скрябин атындагы Кыргыз улуттук агрардык университетинин жанында);

Свердлов району:

• Төрөкул Айтматов жана Токтогул көчөлөрүнүн кесилиши.

Жарманкенин ишин акимчиликтин кызматкерлери, муниципалдык аймактык башкаруу органдары, милициянын өкүлдөрү көзөмөлдөп турат. Ар бир азык санитардык-эпидемиологиялык органдардын, шаардык ветеринардык мекеменин кылдат көзөмөлүнөн өткөрүлөт. Жол коопсуздугун камсыздоо башкы башкармалыгы жол кыймылын тескөөгө алат.

Жарманкеге катышууну каалагандар үчүн телефондор:

• Октябрь району — 0(312) 576392;
• Ленин району — 0(312) 656906;
• Свердлов району — 0(312) 433891;
• Биринчи Май району — 0(312) 324913.