Конор Макгрегор менен Дастин Порьенин мелдеши 23-январда өтөт

UFC уюмунун америкалык мушкери Дастин Порье менен ирландиялык мушкер Конор Макгрегордун ортосундагы мелдеш 23-январда өтөт.

Бул тууралуу Порье өзүнүн социалдык тармактагы жеке баракчасына билдирүү жарыялады.

"Бул күнү биздин беттешти бүткүл дүйнө көрө алат" деп жазды мушкер.

Ал эми Макгрегор мушташ АКШнын Даллас шаарындагы "Cowboys" стадионунда өтүшүн каалайт.

Порье менен болгон кармаштан кийин ирландиялык мушкер филиппиндик Мэнни Пакьяо менен мушташат. Конор Макгрегор акыркы беттешин 2020-жылдын 19-январында UFC 246 турниринин алкагында америкалык Дональд Серронеге каршы өткөргөн. Анда Макгрегор атаандашын 40 секундда нокаутка учураткан.

Ал эми UFC'нин жеңил салмактагы чемпиону Дастин Порье 26 жолу жеңишке жетип, алты жолу жеңилүү ызасын тартып, бир мелдеши жараксыз деп табылган.