Бакытбек Жуматаев: "Эрлан Өмүралиев мага "Юпи" планын сунуштаганда баш тарткам"

“Эрлан Өмүралиев мага оппозициянын "Юпи" долбоорун ишке ашырып берүүнү сунуштаганда каршы болуп, аны келген жолуна салгам”.  Бул сөздү бүгүн, 24-сентябрда маалымат жыйында УКМК жарыялаган видеодогу Нарын дарыясын ууландырат делген "Хизбут-Тахрир" уюмунун мүчөсү Бакытбек Жуматаев айтты. “Эрландын билдирүүлөрү калп, биздин уюмдун мүчөлөрү бул ишке барбайт”,- дейт Жуматаев. Анын айтымында, ал Өмүралиев менен 2012-жылдан бери тааныш. Оппозициянын "Юпи" долбоорун ишке ашыруу сунушу болгонун айтып: “Эрлан үйгө келип аталган операция боюнча айтып, анын артында көп акча жатат, ушуну ишке ашырып бериңиз деди. Мен ага “бул ишиңди эртең эле токтот” деп жолго салгам”,- дейт Жуматаев.