Украиналык мушкер Василий Ломаченко америкалык мушкер менен болгон беттеште жеңилүү ызасын тартты

Украиналык мушкер Василий Ломаченко америкалык мушкер Теофимо Лопес менен болгон беттеште далысынан алган жаракатынан улам жеңилүү ызасын тартты. Бул тууралуу мушкердин дарыгеринин айтканына таянып, чет элдик маалымат каражаттары жазып чыгышты.

Дарыгердин айтуусуна караганда, спортчу мушташка 6 апта калганда жаракат алган. Ломаченко алган жаракаттарынан улам машыга албай калган. Беттештен кийин мушкерге ротатор манжасынын контузиясы диагнозу коюлган, андан тышкары кемирчектин бир бөлүгү үзүлүп кеткен. Ал эми 19-октябрда мушкердин далысына операция жасалган.

Маалыматка караганда, Ломаченко менен Теофимо Лопестин беттеши АКШнын Лас-Вегас шаарында 18-октябрда өткөн. Америкалык мушкер калыстын 116-112, 119-109, 117-111 чечими менен жеңишке жеткен. Ломаченко өзү да калыстын мындай чечимине нааразы болгон.

Белгилей кетсек, 32 жаштагы Ломаченконун эсебинде 14 жеңиш, анын 10у нокаут менен, эки жолу жеңилүү. Ал 12 жеңиш сериясын бузган. Күйөрмандар деңгээлинде Олимпиада оюндарында (2008, 2012) жана Дүйнө чемпиондугунда (2009, 2011) алтын медаль утуп алган. Ал эми 23 жаштагы америкалык мушкер Теофимо Лопес 16 жеңишин жоготуулары жок жеңип алды.