COVID-19дан Кара-Кулжа райондук маданият бөлүмүнүн башчысы каза болду

COVID-19 илдетинен Ош облусуна караштуу Кара-Кулжа райондук маданият бөлүмүнүн башчысы Иркамил Турганбаев 60 жаш курагында дүйнө салды. Бул тууралуу Маданият, маалымат жана туризм министрлигинин басма сөз кызматынан кабарлашты.

Турганбаев Иркамил Орозович 1960-жылы Ош облусунун Кара-Кулжа районуна караштуу Терек-Суу айылында туулган.

1981-жылы Ош мамлекеттик педагогикалык институтун аяктап, “Музыка ырдоо жана ырдоо мугалими” адистигине ээ болгон.

Ал эмгек жолун 1981-жылы музыка сабагынан мугалим жана көркөм жетекчи болуп иштөө менен баштап, 1984–жылга чейин эмгектенген.

2005-2009-жылдары Кара-Кулжа районунун Капчыгай айылдык округунун башчысы болгон.
2010–жылдан тартып өмүрүнүн акырына чейин Кара-Кулжа райондук маданият бөлүмүнүн башчысы катары эмгектенип келген.

Ал “Кыргыз Республикасынын мамлекеттик жана муниципалдык кызматынын отличниги” жана “Билим берүүнүн отличниги” төш белгилери менен сыйланган.