Эки күн мурун биринчи вице-мэр болуп дайындалган Нариман Түлеев кызматтан кете турганын жарыялады

Нариман Түлеев кызматтан кете турганын жарыялады. Бул тууралуу мэриянын басма сөз кызматынан билдиришти.

Ал бул чечим оор кабыл алынганын айтты. "Азиз Суракматовдун өтүнүчү менен Бишкек шаарынын биринчи вице-мэринин кызматына барууга макул болгом. 22-октябрда биринчи вице-мэрлик кызматынан кетеримди жарыялайм", - деди ал.

20-октябрда Нариман Түлеев Бишкек шаарынын вице-мэри болуп дайындалган. Ал эми кечээ буга нааразы болгон тараптар шаардык мэриянын алдына митингге чыгышты.