Жогорку Кеңеште Ысык-Көлдөгү 18-кылымга таандык чиркөөнү мамлекетке кайтарып алуу сунушталды

Жогорку Кеңештин 25-сентябрдагы жыйынында Ирина Карамушкина Ысык-Көлдөгү 18-кылымга таандык чиркөөнү мамлекетке кайтарууну сунуштады. Депутаттын айтымында, Ак-Булуң айыл өкмөтүндө 18 кылымга таандык чиркөө учурда жеке менчикте. “Бул тарыхый-маданий мекеме. Учурда ал жерде жеке менчик балдар үйү жайгашкан. Мыйзам боюнча жеке меник балдар үйүн ачууга тыюу салынган. Буларды ким көзөмөлдөйт? Атайын комиссия эмне менен алек болууда. Ысык-Ата курортундагы бассейнди да басып алышыптыр”,- деди депутат. Маданият, маалымат жана туризм министри Султан Раев буга чара көрүлө турганын белгиледи.