ЖАМК: Кримавторитет Камчы Көлбаевдин оң бөйрөгү чоңоюп кетиптир

Кримавторитет Камчы Көлбаев боюнча сот иши 27-сентябрь күнү өтөт. Бул тууралуу Жаза аткаруу мамлекеттик кызматынын басма сөз кызматынан билдиришти. “Камчы Көлбаев 2013-жылдын 1-июлунда улуттук коопсуздук мамлекеттик комитетинин СИЗОсунан Мамлекеттик жаза аткаруу кызматынын №47-колониясындагы борбордук оорукананын хирургия бөлүмүнө которулган. Анын бөйрөгү УЗИден өтүп, электрокардиология, рентген жана канга анализ алышып, кардиолог менен лордун косультациясынан өткөн. Алдын ала анализдердин жыйынтыгы боюнча Көлбаевдин бөйрөгүндөгү таштар өтүшүп кетүү стадиясында жана мурунунда аллергиялык оорулар бар. Дарыгерлердин айтымында, анын оң бөйрөгү чоңоюп кеткен. Мындан сырткары томографиядан өтүшү керек. Учурда ал дарыланып жатат. Ага карата соттук уктурум  27-сентябрга белгиленди” деп билдирет ЖАМКдан. Эске салсак, Көлбаевдин ден соолугуна байланыштуу сот иши 28-июнда убактылуу токтотулган эле.