Эркиндик бульварындагы павлиндин жыгачтан жасалган скульптурасын өрттөп кетишти

Бишкекте Эркиндик бульварында белгисиз адамдар жыгачтан жасалган павлиндин скульптурасын өрттөп кетишкен. Бул тууралуу "Бишкек жашылдандыруу" ишканасынын пресс-катчысы Аида Айдаралиева жеке баракчасына кайгыруу менен жазып чыкты.

Анын айтымында, скульптура аталган бульварда 2018-жылдан бери турган.

"Белгисиз жарандар аны бир түндө эле өрттөп жиберишти. Эмнеге экенин билбейм. Аны өрттөөнүн эч кандай мааниси жок болчу. Тополоң учурунда өрттөлдү дейин десек, андай эмес", - деп жазган ал.