Министр Алымкадыр Бейшеналиев: "Үгүт иштери, саясий окуяларда адамдардын массалык топтолушу ооруну күчөттү"

“Өлкөбүздө болуп өткөн акыркы саясий окуяларга байланыштуу адамдардын массалык топтолушу, алдын алуу иш-чараларынын сакталбагандыгы өз жемишин берүүдө, оору күч алууда”, - деп белгиледи брифингде саламаттыкты сактоо министри.

Ошондой эле ал сапаттуу медициналык жардам көрсөтүү үчүн жетиштүү сандагы орундарды даярдоо, дары-дармектер жана медициналык шаймандар менен камсыз кылуу азыркы тапта приоритеттүү милдеттердин бири экенин белгилеп кетти.

Министрлик башка оорулары бар бейтаптарга медициналык жардамдын жеткиликтүү болушун камсыздоо үчүн бардык күч-аракетин жумшайт.