Балаты отургузуп, капсула салды. Садыр Жапаровдун Кочкор районундагы иш сапары аяктады

Президенттин милдетин аткаруучу жана премьер-министр Садыр Жапаровдун Кочкор районуна жасаган жумушчу сапары аяктады.

Президенттик аппараттын маалымат кызматынан кабарлашкандай, 25-октябрда Садыр Жапаров Нарын облусунун Кочкор районуна барган.

Жумушчу сапардын жүрүшүндө өкмөт башчы Кочкор районунун Мантыш айылындагы социалдык айылдын курулушунун пайдубалын түптөөгө катышты, ошондой эле анын курулушунун долбоору менен таанышты.