"Рахмат силерге, куткаруучулар!" Оштогу көп кабаттуу үйдөн чыккан өрттү өчүрүү учуру (видео)

Ош шаарындагы көп кабаттуу турак үйдөн чыккан өрттү өчүрүү жана куткаруу иштери тууралуу видео ӨКМнын баракчасына жарыяланды.

Жарыяланган видеого интернет колдонуучулары Өзгөчө кырдаалдар министрлигинин куткаруучуларына ыраазычылыгын билдирип, рахмат айтып жатышат.

Видеодо куткаруучулар кичинекей наристеден тартып, чоң адамдарга чейин өрт чыгып жаткан үйдөн алып чыгып жаткандарын көрүүгө болот.

Белгилей кетсек, бүгүн, 27-октябрда Ош шаарындагы Алай көчөсүнүн №35 дарегинде жайгашкан көп кабаттуу турак үйдүн 4-кабатынан өрт чыгып, өрт толугу менен өчүрүлгөн.

Өрттүн кесепетинен каза болгондор жана оор жаракат алгандар катталган эмес. Кийин чыккан өрттүн кесепетинен 2 адам жаракат алып, алардын бири иске ууланып, ооруканага жаткырылганы маалымдалган.