"Ухан вирусу": Дүйнөдө илдеттен айыккандардын саны 30 миллионго чамалады

Дүйнөдө коронавирус инфекциясын жуктуруп алгандардын саны бүгүн, 29-октябрга карата 44 миллион 400 миң 318 болду. Анын ичинен 29 миллион 988 миң 533 бейтап айыгып чыкты. Тилекке каршы, 1 миллион 173 миң 270 адам каза болду.

Коронавирус эң көп катталган өлкөлөрдүн сап башында АКШ турат. Бул өлкөдө жалпы 8 миллион 855 миң 182 адамдан коронавирус аныкталды. 227 миң 673 адам каза болсо, 3 миллион 518 миң 140 бейтап айыгып чыкты.

Экинчи орунда Индия турат. Бул өлкөдө коронавирус инфекциясы 7 миллион 990 миң 322 адамдан аныкталды. 120 миң 10 адам каза болсо, 7 миллион 259 миң 509 бейтап айыкты.

Ал эми Бразилия өлкөсү үчүнчү орунда. Аталган өлкөдө 5 миллион 468 миң 270 адам вируска кабылган. 158 миң 456 бейтап көз жумса, 4 миллион 947 миң 777 бейтап оорудан сакайды.

Жогорудагы маалымат АКШдагы Жон Хопкинс атындагы университеттин сайтынан алынды. Аталган булак Саламаттыкты сактоо боюнча дүйнөлүк уюм, коронавирус катталган өлкөлөрдүн Саламаттыкты сактоо министрликтери берген маалыматка таянып, сутка ичинде бир канча ирет жаңылоо менен вирустун тарашы боюнча статистиканы көзөмөл кылып жатат.