Бишкекте бирдик салып келүүгө кетип дайынсыз жоголгон кызды милициянын кайгуул кызматы таап беришти

Милициянын кайгуул кызматкерлери адашып жүргөн кызды таап беришти. Бул тууралуу аталган кызматтан билдиришти.

Маалыматка ылайык, 26-октябрда болжол менен саат 18:26 чамасында Бишкек ШИИББинин 102 кызматына өспүрүм кыз жоголду деген маалымат келип түшкөн. Айтылган дарекке ошол замат милициянын кайгуул кызматы барып маалыматты тактаганда А.В. аттуу аял арыз менен кайрылган.

Арызда ошол эле күнү болжол менен саат 17:00 чамасында 2009-жылы туулган Н.А. аттуу кызы чөнтөк телефонго бирдик салып келүү максатында үйдөн чыккан бойдон кайра кайтып келбегендигин билдирген. Чакыруу менен келген милициянын кайгуул кызматкерлери ошол замат ыкчам издөө иш-чарасын уюштуруп, аз убакыттын ичинде адашып жүргөн кызды таап, ата-энесине аман-эсен өткөрүп беришкен. Өз кезегинде өспүрүм кыздын апасы милициянын кайгуул кызматынын ыкчам аракетине ыраазычылыгын билдирди.