Казакстан мамлекеттик чек арада иштеп жаткан чектөө чараларын күчөттү

Казакстан мамлекеттик чек арада иштеп жаткан чектөө чараларын күчөттү. Бул тууралуу республикалык штабдан билдиришти.

Казакстандын аймагында жашап турууга уруксаты бар чет өлкөлүк жарандар жана алардын үй-бүлө мүчөлөрүнө чек арадан 90 күндө бир жолудан ашык эмес өтүүгө уруксат берилет (мурда 30 күн болгон). Бул чечим Казакстандын өкмөтүнүн алдындагы мекемелер аралык комиссия тарабынан кабыл алынды.

Ошондой эле 2021-жылдын 1-майына чейин 57 өлкөнүн жарандарына визасыз режимди токтотуу узартылды жана 2021-жылдын 1-январына чейин Кытай жана Индиядан келген транзиттик жүргүнчүлөрдүн Казакстандын аймагына 72 сааттык визасыз келиши узартылды.

Түркия менен эл аралык авиакаттамдарды ушул жылдын 9-ноябрынан тартып жумасына 33төн 20га чейин кыскартуу пландаштырылууда.