Депутаттар Чүйдө 10 жылдан бери курулуп бүтпөй жаткан мектепке акча бөлүнбөй жатканын айтышты

Чүй облусунда 10 жылдан бери курулуп бүтпөгөн мектепке дагы эле акча бөлүнө элек. Бул тууралуу ЖКнын 26-сентябрдагы жыйынында депутат Алла Измалкова билдирди.

Анын айтымында, 2014-жылга карата бюджеттин долбоорунда 2013-жылы башталган курулуштарга гана акча бөлүнөрү жазылган. “Анда курулушка муктаж болуп, бирок 2013-жылдын тизмесине кирбей калган мектептерге каражат бөлүнбөй калабы? Чүй облусунда 2000-жылы башталган мектептердин курулуштары бар. Депутаттар 10 жылдан бери бүтүрүп беребиз деген убадаларын беришүүдө, бирок бүтө элек”,- деди Измалкова.