Түркия Кыргыз өлкөсүнө аскердик техникаларды берди

Түркия мамлекети Кыргыз өлкөсүнө аскердик техника жана мүлк буюмдарды берди. Бул тууралуу маалыматты SUPER.KG порталына Генералдык штабдын басма сөз кызматкери Абдрачалов Сүйүн тастыктады.

"Кечээ, 4-ноябрда Куралдуу күчтөрүнүн генералдык штабынын башчысы Таалайбек Омуралиев Түркиянын Кыргыз өлкөсүндөгү элчиси Женгиз Камиль Фырат менен жолугушту. Жолугушуудан кийин, Улуттук гвардиянын куралдуу күчтөргө багытталган автоунаа техника жана ооруктук мүлк-буюмдарын кабыл алуу аземи болуп өттү. Ага Женгиз Камиль Фырат мырза, Генералдык штабдын жетекчилиги, Улуттук гвардиянын командасы жана өздүк курамы катышты", - деп билдирди Абдрачалов.

Эске салсак, буга чейин Кыргыз-Түркия мамлекеттеринин өкмөттөрү тарабынан 2015-2016-жылдарындагы аскердик финансылык кызматташтык боюнча түзүлгөн макулдашууларынын алкагында, Түркия тараптан аскердик-техникалык мүлктүн биринчи партиясы 2020-жылдын сентябрь айында келген.