Бишкекте кан тапшыруу акциясы өтөт

Бишкектеги Республикалык кан борбору 27-сентябрь күнү акысыз кан тапшыруу акциясын өткөрөт. Саламаттыкты сактоо министрлигинин басма сөз кызматынын билдиришинче, катышуучуларга кыргыз эстрада жылдыздарынын катышуусунда концерттик программа жана майрамдык фуршет уюштурулат. Акысыз кан тапшырган донорлорго белектер берилет. Акциянын максаты - өз эрки менен кан берген донорлордун санын көбөйтүү, ыраазычылык билдирүү. Акция Республикалык кан борборунда саат 08:00дөн 15:00гө чейин өтөт.