Вице-премьер-министр Эльвира Сурабалдиева "Семетей" госпиталынын даярдыгы менен таанышып чыкты

Вице-премьер-министр Эльвира Сурабалдиева «Семетей» госпиталынын бейтаптарды кабыл алууга даярдыгы менен таанышып чыкты. Бул тууралуу өкмөттүн аппаратынын маалымат кымсыздоо бөлүмүнөн билдиришти.

Таанышып чыгуунун жыйынтыгы боюнча белгилегендей, госпиталь коронавирус инфекциясына чалдыккан бейтаптарды кабыл алуу толугу менен даяр. Госпитал коронавирус илдетине чалдыккан жарандарды 2020-жылдын 20-ноябрында кабыл ала баштай тургандыгы күтүлүүдө.

Бишкек шаарында эпидемиологиялык абал курчуган учурда госпитал 2 күн аралыгында бейтаптарды ыкчам кабыл алуу үчүн даярдыкка келтирген.

Мындан тышкары кабыл алуу блогу даярдалып, кир жуучу жай жана лабораториялардын ишке киргизилиши жыйынтыкталууда. Имаратта жылуулукту камсыздоо үчүн электроконвекторлор алынып, орнотулган. Реанимациялык блокто 35 орун жана дарылоо блогунда 215 орун орнотулган.