Өмүрбек Текебаев Сыймык Жапыкеевдин айтылуу ашканасына конокко барды

Жакында эле депутаттык мандатын кайтарып алган саясатчы Өмүрбек Текебаев Финполдун төрагасы Сыймык Жапыкеевдин айтылуу ашканасына конокко барды. Видео интернетке тарап, учурда кызуу талкууга алынууда.

"Мен бүгүн өзгөчө жерде турам. Мени Сыймык Жапыкеев атактуу ашканасына конокко чакырды. Бул жер мен айткандай тарыхый жер. Октябрь революциясынын штабдарынын бири. Бул жерде Сыймык жалындуу сөздөрү менен элди көтөрүп, жеке бийлик орнотууга каршы элди топтой алды. Ошондо ушул ашканадан башталган иш тарыхый мааниге ээ болот десе эч ким ишенбейт эле. Пропагандисттер Сыймык элиталык батирде жашап жатат дечү эле. Мен бүгүн келип көрүп отурам, кадимки эле эконом класстагы батир экен.

Мен буга чейин Сыймык пландары менен бөлүшкөндө анчейин ишенген эмесмин. Жаздан баштап адамдар колдоп, анын идеясын жактырып башташты", - деп сүйлөгөн Текебаев.

Ортодон сөзгө аралжы болгон Жапыкеев видеодогу үйдү штаб катары пайдаланарын, ал эми үй-бүлөсү менен башка батирде жашарын айткан.