Алмазбек Атамбаев Б.Ельцин атындагы Кыргыз-орус Славян университетин 20 жылдыгы менен куттуктады

Президенти Алмазбек Атамбаев Бишкектеги Б.Ельцин атындагы Кыргыз-Орус Славян университетин 20 жылдык мааракеси менен куттуктады. “Кымбаттуу достор! Урматтуу Наина Иосифовна! Борис Николаевич Орусиянын биринчи эл шайлаган президенти, өзүнүн бүт өмүрүн эркиндик жана демократия үчүн күрөшүүгө арнаган, элинин ишеген уулу бойдон дүйнөлүк тарыхта калат”,- деди мамлекет башчы. Ал Кыргыз-Орус Славян университети кыргыз-орус кызматташтыгындагы ийгиликтүү долбоорлордун бири болуп калат деп белгиледи. “Өткөн 20 жылдын ичинде университет  калыптануу этабын басып өттү. Көп нерсеге жетишти, дагы көп нерсени аткарышы керек. Бүгүнкү күндө Кыргызстан келечек үчүн иштеген чынчыл билимдүү жаш адистерге муктаж. Биз тарыхый мүмкүнчүлүгүбүздү колдонуп, эркин, туруктуу, өнүккөн мамлекетти түзүшүбүз керек ”, - деди Алмазбек Атамбаев.