Таш-Көмүрдө күндүз жана түнү ар кандай жумуштарда иштеп жүргөн өспүрүмдөргө рейд жүрдү

Жалал-Абад облусунун Таш-Көмүр шаарында “Өспүрүм” аталышындагы рейд өткөрүлдү. Бул тууралуу облустук милициядан билдиришти.

"Таш-Көмүр шаарынын аймагында коронавирус илдетине байланыштуу жалпы билим берүү мекемелеринин окуучулары жана студенттери аралык режиминде билим алышууда. Бирок кээ бир окуучулар онлайн сабактарга катышпай, көчөдө жүрүп, ар кандай укук бузууларга аралашып калууда. Ошол себептенТаш-Көмүр шаардык ички иштер бөлүмү тарабынан “Өспүрүм” аталышындагы 2 күндүк ыкчам алдын алуу иш-чарасы өткөрүлдү.

Анын алкагында соода түйүндөрүндө, унаа жуучу жайларында жана интернет клубдарда 4 өспүрүм эмгектенип жүргөнү белгилүү болгон. Ал эми түнкү саат 22:00дөн кийин ата-энесинин же мыйзамдуу өкүлүнүн катышуусу жок жүргөн 11 өспүрүм аныкталган. Аныкталган өспүрүмдөр боюнча тийиштүү органдарга мааалыматтар жиберилген. Ата-энелерге балдарын кайда жүргөндүгүн көзөмөлдөө жана алардын аралыктан окуу учурун үзгүлтүккө учуратпоо зарылдыгы эскертилген", - деп билдирди басма сөз кызматынан.