Пара талап кылуу фактысы боюнча ИИМдин кызматкери кармалды

Пара талап кылуу фактысы боюнча ИИМдин кызматкери кармалды. Бул тууралуу Улуттук коопсуздук боюнча мамлекеттик комитететинин басма сөз кызматынан кабарлашты.

Маалыматка ылайык, 2020-жылдын 9-ноябрында УКМКнын коррупцияга каршы кызматы ИИМдин Ички иликтөө кызматы менен биргеликте өткөргөн ыкчам-издөө иш-чараларынын жүрүшүндө 30 миң сом өлчөмүндө акча каражатын алып жатканда Жалал-Абад облусунун Сузак районунун Ички иштер башкармалыгынын криминалдык милиция кызматынын кызматкери А.Б. кармалган.

“Кармалган адам жакын тууганына карата кылмыш ишин токтотуу үчүн арыз ээсинен 1 миң АКШ долларын талап кылгандыгы аныкталды.

Сотко чейинки өндүрүштүн материалдары Кыргыз Республикасынын Кылмыш-жаза кодексинин 326-беренеси ("Пара талап кылуу") боюнча кылмыштардын жана жоруктардын бирдиктүү реестрине катталган. Кармалган адам Жалал-Абад шаарындагы убактылуу кармоочу жайга киргизилди.

Учурда тергөө иштери жүрүп жатат”, - деп билдиришти мекемеден.