Кыргыз өлкөсү Казакстандан электр энергиясын 2,4 центтен сатып алат

2019-жылдан бери Нарын-Сырдарыя дарыясынын бассейнинде суу көлөмү азайган. Бул тууралуу "Электр станциялар" Ачык акционердик коому билдирди.

Маалыматка ылайык, 2020-жылдын башталышына карата Токтогул суу сактагычындагы суунун көлөмү 14,9 миллиард метр кубду түзгөн, бул былтыркы жылдын көрсөткүчүнөн 1,8 миллиард метр кубга аз.

Суу-энергетикалык ресурстарын сактоо жана электр энергиясынын ички керектөөлөрүн жабуу үчүн Токтогул суу сактагычындагы суунун керектүү көлөмүн камсыздоо максатында электр энергиясын импорттоону жүзөгө ашыруу зарыл.

Ушуга байланыштуу Казакстан сентябрь айынан декабрь айына чейин суткалык бирдей график боюнча 1 кВт саатка 2,4 цент баасында 500 миллион кВт саат өлчөмүндөгү электр энергиясын Кыргыз өлкөсүнө жеткирүүнү жүзөгө ашырат.