Супер-Инфо
super.kg видео
Ош шаарында жыл аягында 500 орундуу жаңы мектеп пайдаланууга берилет
Ош шаарында жыл аягында 500 орундуу жаңы мектеп пайдаланууга берилет. Бул тууралуу шаардык мэриядан билдиришти.
Маалыматка ылайык, бүгүн, 12-ноябрда Ош шаарынын мэри Таалайбек Сарыбашов шаардагы курулуш объектилерин кыдыруу учурунда Ломоносов мектеп-гимназиясынын 500 орундуу жаңы окуу имаратынын курулушун текшерди.
Шаар жетекчиси курулуш материалдарынын сапаты, мектеп класстарына эмеректерди чогултуу менен таанышып, куруучулар менен алардын көйгөйлөрү жөнүндө маектешти.
Таалайбек Сарыбашов бул мектеп шаардын борборунда жашаган балдарды мектепке жайгаштыруу маселесин чечүүгө жардам берерин баса белгилеп, бардык курулуш иштерин сапаттуу жана өз убагында жүргүзүү тапшырмасын берди.
Графикке ылайык, объект ушул жылдын аягына чейин пайдаланууга берилет.
2