Бишкектеги Жал кичи районуна жылуу суу берүү авариядан улам токтотулду

Бүгүн, 13-ноябрда Бишкек шаарындагы Жал кичи районуна авариядан улам жылуу суу берүү токтотулду. Бул тууралуу Бишкек шаардык мэриясынын басма сөз кызматынан билдиришти.

"Урматтуу жарандар! "Бишкекводоканалдагы" авариялык иштерге байланыштуу, "Бишкекжылуулук" 13-ноябрда Жал кичи районунун жашоочуларына жылуу сууну берүүнү авариялык жумуштар бүткөнгө чейин токтотууга аргасыз болушат.

Келтирилген ыңгайсыздыктар үчүн чын жүрөктөн кечирим сурайбыз", - деп жазылган билдирүүдө.