Талас. Манас районунун Покровка айылында жаңы тегирмен ишке кирди

Талас облусунда жүрүп жаткан “Жылдын мыкты иштерманы” сынагынын алкагында Манас районунун Покровка айылында жаңы тегирмен ачылды. "Тегирмен Покровка айылында жашаган 11 миңге жакын адамга кызмат көрсөтөт”,- дейт аталган айыл өкмөттүн башчысы Тынарбек Базчеков. Жеке ишкер Барпыгул Жумагулов өз эсебинен 4 миллион жумшап курган бул тегирмен суткасына 30 тонна ун даярдай алат. Тегирмен айыл элинин буудайын арзан баада тартып бергенден тышкары дыйкан, фермерлерден буудай сатып алып, жогорку сорттогу ун чыгарууда. Жаңы тегирмен чыгарган ундун сапатын көргөн Талас облусунун башчысы Койсун Курманалиева Барпыгул Жумагуловго ыраазычылык билдирди.