Интернетте эмне кеп? Арбакты изилдөө үчүн жиберилген полиция кызматкерлери, 62 жашка толгон Жээнбеков, жашоочусу менен кошо сатылып жаткан үй, Валериянын үнүнө ыргалган Кашкар Жунушалиев

Бүгүн, 16-ноябрда Сооронбай Жээнбеков өзүнүн 62 жашын белгилеп жаткан учуру. Азбы, көппү 3 жыл аралыгында өлкө башында турду. Бул аралыкта жакшы да, жагымсыз да окуялар болуп кетти. Мурунку ажонун өлкө үчүн кандай иш кылганын эл жана убакыт өзү таразалап алат. Сооронбай Жээнбековдун жылмайткан сүрөттөрүнө көңүлүңүздөрдү бурабыз.

Интернет желесинде кандай гана жарнамалар жок. Мындай жарнаманын бирөөсү Бишкек шаарынын көчөлөрүнүн биринде тартылып алынган, андагы үй жашаган жашоочулары менен кошо сатылары жазылган.

Октябрь айында орун алган окуялардан кийин дайынсыз болуп жаткан Кашкар Жунушалиевге окшогон адам Москва шаарында өткөн концерттердин биринде байкалган. Аталган видео социалдык тармактарда жайылып талкууга алынган. Видеодо Жунушалиевге окшогон адам орус ырчысы Валериянын ырын тыңдап жатканын көрүүгө болот

Батыш-Казакстан облусунун акими Гали Искалиев Каратөбө районундагы Ханкөл айылына полиция кызматкерлерин жиберди. Буга чейин Ханкөл айылынын тургундары алар жашаган аймакта белгисиз аялдын арбагы пайда болгонун айтып чыгышкан.