Депутат атайын эсепке түшкөн каражат мектептерди курууга бөлүнбөгөнүн айтты

Депутат Айбек Алтынбеков эсепке түшкөн каражат мектептерди курууга бөлүнбөгөнүн айтты. Бул тууралуу ал бүгүн, 16-ноябрда Жогорку Кеңештин комитет жыйынында билдирди.

"1,5 миллиард сом атайын эсепке түшкөн. Ал акча Чүй облусунда бир нече мектептерди курууга багытталган. Бирок мектептерди курууга акча каражаты бөлүнгөн эмес. Ал эми курулуш иштери жарым -жартылай болуп токтоп калган. Бул маселени жөнгө салуу керек", - деди ал.

Жогорку Кеңештин Бюджет жана финансы боюнча комитетинин көчмө жыйынында "2021-жылдын бюджети, 2022-2023-жылдарга карата божомолу тууралуу" мыйзам долбоору каралды.