Ысык-Көл облусунда тойкана жана коомдук тамактануучу жайларды 10 күнгө жаап туруу сунушталды

Ысык-Көл облусунда коомдук тамактануучу жайларды 10 күнгө жабуу сунушталды. Бул тууралуу SUPER.KG порталына Ысык-Көл облусунун ыйгарым укуктуу өкүлүнүн орун басары Эльмира Усенова билдирди.

Маалыматка ылайык, мындай сунушка бардык эле тойканалардын, коомдук тамактануучу жайлардын жетекчилиги макулдугун беришкен эмес.

"Бүгүнкү күндө облустук ыкчам штабдын чечими менен ар тараптуу иш-чараларды карап жатабыз. Облуста коронавирус илдети көбөйүп жаткандыгына байланыштуу биз алдын алуу максатында жана илдетти андан ары жайылтпоо үчүн облустун аймагындагы 61 айыл өкмөттүн, акимдерди чакырып чоң жыйын өткөрдүк. Жыйындын алкагында тойкана, кафелердин ээлерин бир жарандык позиция кылып ноябрдын аягына чейин, тагыраагы, 10 күнгө токтотуп жаап бериңиздер деген сунушубузду айттык.

Бирок тойканалардын ээлери бардыгы эле макулдугун беришкен жок. Алар дагы өздөрүнүн көйгөйлөрүн (насыя, салык жана башка), нааразычылыктарын айтышты.

Жабылсын деген чечим чыккан жок. Биз жакынкы арада дагы тиешелүү чечимдерди кабыл алабыз", - деп билдирди Эльмира Усенова.