Дүйнөдө англис тилин мыкты билген өлкөлөрдүн тизмеси жарыяланды. Кыргыз өлкөсү 96-орунда

Англис тилдүү эмес өлкөлөр арасында өткөн рейтингде Кыргыз өлкөсү англис тилин билүү деңгээли боюнча 100 мамлекеттин ичинен 96-орунду ээледи. Бул тууралуу "Education First English Proficiency Index" расмий сайтына жарыяланды.

Маалыматка ылайык, англис тилин билүү боюнча Нидерланды биринчи орунда турат. Ал эми Казакстан былтыркы жылга салыштырмалуу 1 тепкич өйдөгө чыккан. Өзбекстан болсо 95-тизмеден 88ге көтөрүлгөн. Былтыркы жылы бул рейтингге кирбей калган Тажикстан быйыл эң акыркы орунду алган.

"Эл аралык рейтингдин 10-басылмасы дүйнө боюнча 100 өлкөдөгү 2,2 миллиондон ашык калкты тестирлөөнүн жыйынтыгында чыгарылган. Рейтингде мамлекеттерде англис тилин билүү деңгээли 5 баскычка бөлүнгөн: өтө жогору, жогору, орто, төмөн жана өтө төмөн деңгээл", - деп жазылат маалыматта.

Белгилей кетсек, Кыргыз өлкөсү былтыр бул рейтингде 99-орунда болчу.