Супер-Инфо
super.kg видео
Каныбек Иманалиев: "Жаңы президент, жаңы парламент шайланмайынча Конституцияны өзгөртүүгө болбойт"
Жаңы президент, жаңы парламент шайланмайынча Конституцияны өзгөртүүгө болбойт. Мындай пикирин президенттикке талапкер Каныбек Иманалиев бүгүн, 22-ноябрда өткөн "Референдумга каршы!" тынчтык жүрүшүндө билдирди.
Эл өкүлүнүн айтымында, мөөнөтү бүткөн парламенттин Конституцияны кабыл алууга моралдык угугу жок.
"Бизде Венециялык комиссиянын жыйынтыгы бар. Ага ылайык мөөнөтү бүтүп бараткан парламенттин жаңы Конституциянын демилгечиси болууга моралдык, саясий укугу жок. Мындан сырткары кечээ саясий кеңешменин жыйынын көрдүк. Мен урматтаган профессорлор Илимдер академиясынын же Бишкек шаарынын уставын кабыл алышкан жок да. Региондордогу өкүлдөр кайда? Ош университетинин, Нарын университетинин профессорлору кайда? Же аларды артта калгандар деп эсептешеби? Азыркы долбоор тар чөйрөдөгү адамдардын легитимсиз аракети. Кийинки жылы жаңы президент, жаңы парламент шайланып келгенде гана жаңы Конституцияны кабыл алууга мүмкүн.
Бүгүнкү күндө Сания Токтогазиева, Таттуу Эргешбаева, Клара Сооронкулова, Чолпон Жакупова сыяктуу адамдар коомдук пикирдин лидерлери болуп турушат. Алардын катышуусусуз даярдалган Конституциянын долбоорун демократиялык дегенге болбойт", - деди Иманалиев.
-3
Бизге ушундай башкаруу системасы керек.Андай кылып президент көзөмөлгө албаса даже айыл башчысына чейин өз көмөчүнө күл тартып калды.Өлкөнүн келечегин,карызын ойлогон эчким жок.Кытайдын деле карызы көп деп тоготпой турушат уялбай.Кытай ким биз ким.Тим эле Кыргызстанды Америкадай кылып өнүктүрүп коюшкансып балп этишет.Эшек такалап жүрдүңөрбү ушул убака чейин мыйзамыңарды иштетпей.