Бишкекте коркутуу жолу менен уюлдук телефонду тоногонго шектелип 20 жаштагы жаран кармалды

Бишкекте 27 жаштагы жаранды коркутуп, уюлдук телефонун тартып алганга шектелген жаран кармалды. Патрулдук милициянын маалыматына ылайык, кармалган жаран 20 жашта.

"21-ноябрда болжол менен саат 21:55 чамасында Бишкек ШИИББинин нөөмөт бөлүмүнө Ахунбаев жана Молдокулов көчөлөрүнүн кесилишинен уюлдук телефонун уурдатып алганын айткан жарандан билдирүү түшкөн.

Жерине барган милиция кызматкерлерине 1993-жылы туулган А.Н. аттуу жаран арыз менен кайрылган. Анда ошол эле күнү болжол менен саат 21:40 чамасында белгисиз жаран ага карата күч колдонуп, уюлдук телефонун тартып алып, белгисиз тарапка качып кеткени айтылган.

Ыкчам издөө иш-чараларынын жүрүшүндө кылмыш изи сууй электе шектүү катары 2000-жылы туулган С.У. аттуу жаран кармалды. Шектелген жаран Октябрь РИИБинин тергөө кызматына өткөрүлдү.

Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынды", - дешти мекемеден.