"Жакындары менен 6 жолу коштошкон". АКШда 19 жаштагы жигит жүк ташуучу унаанын алдында калып жарым денесинен ажырады

АКШнын 19 жаштагы Лорен Шауэрс аттуу жараны жүк ташуучу унаанын алдында калып, жарым денесинен айрылган. Бул тууралуу дүйнөлүк басылмалар жазып чыгышты.

Маалыматка караганда, Лорен Шауэрс 15 метр бийиктиктен кулап жүк ташуучу унаанын алдында калган. Кырсыктан кийин ал оң колунан жана денесинин белинен ылдыйкы бөлүгүнөн ажыраган.

2019-жылдын сентябрь айында Шауэрс курулуш тармагында оор жүк ташуучу унаанын айдоочусу болуп иштечү. Жумуш күндөрүнүн биринде унааны башкара албай калып, унаа кулап баратканда ал кабинадан түшүп калуу аракетин көрө баштаган, бирок аны коопсуздук куру кармап калган. Ошентип ал унаа менен чогуу 15 метр бийиктиктен кулап, 3 жолу ала салган жүк ташуучу унаа аны басып калган.

Ал эми баланын айтымында, бул убакыттын ичинде ал акыл-эси менен эле болгон. "Эсимде, жүк ташуучу унаа мени басып калганда мен сол жагымды карасам, жанымда колумдун бир бөлүгү жатыптыр" деп эскерген Шауэрс.

"Дарыгерлер Шауэрсти аман калат деп үмүт кылышкан эмес, ошол себептүү анын үй-бүлөсүн коштошууга чакырышкан. Ошентип жигит ооруканада жаткан биринчи айда аны менен үй-бүлөсү алты жолу коштошушкан.

Бирок убакыт өткөн сайын бала акырындан оңолуунун үстүндө болуп жатты.

Ал эми Сабиа аттуу анын жакшы көргөн кызы, жигити мүмкүн болушунча көз карандысыз болуу үчүн талыкпай аракет кылып жаткандыгын белгилеген. Мисалы, ал протездин жардамы менен эч кимдин жардамысыз отурганды үйрөнгөн.

Мындан тышкары, Шауэрс сүйүктүүсүнө үйлөнүү сунушун киргизген. Алар 2021 же 2022-жылы баш кошууну пландап жатышат", - деп жазылат маалыматта.