Алты баласын барымтага алып, балта менен өлтүрөм деген жаран укук коргоо органдарына багынып берди

Орусиянын Санкт-Петербург шаарында алты баласын үйүнүн ичине камап алып балта менен өлтүрөм деген жаран укук коргоо органдарына багынып берди. Бул тууралуу аталган өлкөнүн басылмалары жазып чыгышты.

Маалыматка ылайык, балдарын барымтага алган жаран 38 жашта болгон. Анын спирт ичимдигин ичип алгандыгы аныкталган. Ал эми балдарынын эң кичүүсү 3, улуусу 15 жашта экени белгилүү болду. Балдар жабыркаган эмес.

Учурда кармалган жаран полиция бөлүмүнө жеткирилди.

Буга чейин Санкт-Петербург шаарынын Пролетар көчөсүндөгү батирде белгисиз жаран 6 баласын үйгө камап алып, балта менен өлтүрөм деп жаткандыгы кабарланган.