Милициянын кайгуул кызматкерлери унаасына жасалма мамлекеттик номур тагып айдаган айдоочуну кармады

Милициянын кайгуул кызматкерлери тарабынан унаасына жасалма номур тагып алып айдап жүргөн жаранды кармады. Бул тууралуу кайгуул кызматынын басма сөз кызматынан билдиришти.

"2020-жылдын 24-ноябрында Бишкек ШИИББи боюнча милициянын кайгуул кызматкерлери бөлүнгөн аймакта кайгуул кылып жатып, болжол менен саат 11:30 чамасында Фучик жана Ленин көчөлөрүнүн кесилишинен Hyundai Creta үлгүсүндөгү автоунааны мамлекеттик номери шек жараткандыктан токтотушкан.

Кайгуул кызматкерлери автоунаанын керектүү документтерин текшерүү учурунда 1999-жылы туулган Д.Ж. аттуу айдоочу унаасына жасалма мамлекеттик номур тагып айдап жүргөндүгү аныкталган", - деп жазылган билдирүүдө.

Бул факты боюнча автоунаа убактылуу айып төлөөчү жайына токтотулуп, ал эми айдоочусу Биринчи Май райондук тергөө кызматына өткөрүлүп берилди.