Социалдык өнүктүрүү министрлигине талапкер коронавируска каршы күрөшүү боюнча ачылган эсепке 17 миллион сом чогулганын айтты

Бүгүн, 25-ноябрда Жогорку Кеңештин жыйынында Эмгек жана социалдык өнүктүрүү министринин кызмат ордуна Ализа Солтонбекованын талапкерлиги каралды.

"Министрлик тарабынан атайын эсеп ачылып, 17 миллион сом чогултулду. Андан башка бир катар уюмдар менен биргелешкен иштер жүргүзүлдү. Ал эми пандемия маалында жөлөк пул алууну каалагандардын саны көбөйүүдө. Бул үчүн 2021-жылдын бюджетинен 500 млн сомдун тегерегинде акча каражаты каралды", - деди Ализа Солтонбекова.