Депутат Турдумамбетов жөлөк пул алууну электрондоштуруу зарылчылыгын айтты

Депутат Осмон Турдумамбетов жөлөк пул алуу маселеси оор экенине токтолуп, аны электрондоштуруу зарылчылыгын көтөрдү. Бул тууралуу ал бүгүн, 25-ноябрда Жогорку Кеңештин жыйынында билдирди.

Эмгек жана социалдык өнүктүрүү министринин кызмат ордуна сунушталып жаткан Ализа Солтонбекова учурда документтерди топтоо жеңилдегенин айтты. "Бизге кайрылуу гана жетиштүү. Керектүү делген 10 документти өзүбүз камдайбыз. Андан тышкары электрондук түрдө да кайрылуу мүмкүнчүлүгү бар", - деди ал.