Тоолуу райондордо кар жаайт. 26-ноябрга карата аба ырайы тууралуу маалымат

Эртең, 26-ноябрда түнкүсүн Чүй, Талас, Жалал-Абад, Ош, Баткен, Ысык-Көл, Нарын облустарынын тоолуу райондорунда жана тоо этектеринде кар жаайт. Бул тууралуу Кыргызгидромет борборунан билдиришти.

Күндүз Ысык-Көл облусунун көпчүлүк аймагында, Нарын облусунун кээ бир райондорунда кар жаайт, калган аймактарда жаан-чачын күтүлбөйт. Батыш тараптан келген шамалдын ылдамдыгы секундасына 4-9 метрге чейин жетет.

Абанын температурасы:

Чүй өрөөнүндө түнкүсүн -3 … -8, күндуз +1 … +6;

Талас облусунда түнкүсүн -7 … -12, күндүз +1 … +6;

Ош, Жалал-Абад, Баткен облустарында түнкүсүн -3 … -8, күндүз +3 … +8;

Ысык-Көл жергесинде түнкүсүн -3 … -8, күндүз 0 … +5;

Нарын облусунда түнкүсүн -11 … -16, күндүз -2 … +3;

Бишкек шаарында жаан-чачын күтүлбөйт. Абанын температурасы түнкүсүн -4 … -6, күндүз +3 … +5 градус жылуу болот.