Нурбек Касымбеков: "80 миң кытай Кыргызстандын жарандыгын алды" деген маалымат жалган"

"Өлкөгө келген 80 миң кытай Кыргызстандын жарандыгын алды" деген маалымат жалган. Бул тууралуу 30-сентябрда маалымат жыйында жарандык боюнча КРнын президентинин алдындагы комиссиянын жооптуу катчысы Нурбек Касымбеков билдирди. “Айрым маалымат булактары ИИМдин маалыматына таянып "80 миң кытай Кыргызстандын жарандыгын алды" деп жазыптыр. Бул маалымат жалган, анын үстүнө аталган министрлик бул маселелер боюнча иш алып барбайт. Биздин маалымат боюнча, 2005-2012-жылдар аралыгында 107 кытай улутундагы адам Кыргызстандын жарандыгын алды”,- дейт Касымбеков.