Эки бөйрөгү жарактан чыгып, жардамга муктаж болчу. Теле алып баруучу Айдана Жаныбекованын бүгүнкү абалы айтылды

Буга чейин 5-каналдын теле алып баруучусу Айдана Жаныбекованын эки бөйрөгү жарактан чыгып калганы, анын жардамга муктаж экени маалымдалган.

Азыркы тапта Жаныбекованын абалы жакшы жана ага жасалган операция ийгиликтүү болгон. Бул тууралуу теле алып баруучунун кесиптеши Сагын Эргешов кабарлады.

"Айдана чет өлкөдөн операция жасатып, мекенине келгение бир жарым айга жакындап калды. Анын чыгармачылыктагы достору, жалпы шоу бизнес өкүлдөрү концерт уюштуруп, бир аз каражат чогултушкан. Андан сырткары жакындары, бир туугандарынын көмөгү менен ага жасалчу операцияга акча каражат табылып, операция ийгиликтүү жасалды.

Азыркы учурда Айдананы абалы жакшы экен. Аны көрүп абдан сүйүндүк, маанайы дагы эң жакшы экени байкалды. Бүгүн ал жакын адамдарын чакырып, түлөө өткөздү. Айдана жалпы Кыргыз элине ыраазычылыгын билдирип, баарына рахмат айтты. Ал абдан күчтүү кыз, көп кыйынчылыктарды башынан өткөрдү, жыйынтыгында аны жеңип чыкты", - деди Эргешов.