“Абдыш-Ата” футболдук клубунун ардагерлери мөөнөтүнөн мурда Кыргызстандын чемпиондугун жеңип алды

Кант шаарынын “Абдыш-Ата” клубу футбол боюнча ардагерлер арасында мөөнөтүнөн мурда Кыргызстандын чемпиону аталышты. Бул тууралуу Футбол федерациясы билдирет. Ардагерлер арасында Кыргызстандын чемпиондугунун жыйынтыкталарына 5 тур калганда “Абдыш-Ата” 8-ирет катары менен ардагерлер арасында чемпиондукту утуп алды. Учурда 63 упай менен “Абдыш-Ата” 1-орунду ээлесе, 2-орунда 44 упай менен “Алга” жана 3-орунда 39 упай менен “Ала-Тоо” командалары келе жатат.