Хабиб Нурмагомедов Конор Макгрегор менен "100 миллион долларга беттешем" дегендей кыйытты

Бүгүн, 2-декабрда UFC уюмунун жеңилбес чемпиону, орусиялык мушкер Хабиб Нурмагомедов Москва шаарында жыйын өткөрдү. Жыйын учурунда ал ирландиялык атактуу мушкер Конор Макгрегор менен 100 миллион долларга кайра беттешем дегендей кыйытты.

"UFC уюмунун президенти Дана Уайт акча сунуш кылат. Ал мага кимди сунуш кылат? Макгрегор менен Порье экөөнү тең муунтуп уттум. Бул мага спорттук кызыгуумду деле жараткан жок, экөө тең мага багынып беришкен. Эшек жеңгенче ат чуркабайт.

Эгер, алар мага беттеш үчүн акча сунуштаса бул - 100 миллион доллар. Бирок, мен дагы бир жолу кайталайм, ал жакка болгон спорттук кызыгуум жок", - деди Нурмагомедов.

Эске салсак, Хабиб Нурмагомедов менен Конор Макгрегор 2018-жылдын октябрь айында "UFC 229" турниринин алкагында беттешип, анда Нурмагомедов атаандашын беттештин төртүнчү бөлүгүндө муунтуу ыкмасы менен жеңип алган.