Бишкектин жана Чүйдүн айрым жерлеринде электр жарыгы өчүрүлөт

Бүгүн, 1-октябрда Бишкек шаарынын жана Чүй облусунун айрым жерлеринде электр жарыгы өчүрүлөт. Бул тууралуу “Түндүкэлектр” ишканасынын басма сөз кызматынан билдиришти. 

Бишкекте саат 09:00дөн 17:00гө чейин Келечек, Кара-Жыгач жаңы конуштарында, Жети-Өгүз, Кемеров, Огонбаев, Осмонкул, Исанов, Жамбыл, Т.Молдо, Манас, Осипенко, Тумен жана М.Ганди көчөлөрүндө,  Чүй облусундагы Мраморное, Кой-Таш, Маявка, Кызыл-Берлик, Лебединовка айылдарында, Кара-Балта шаарынын Бородочев, К.Маркс, Пионер, Жамбыл көчөлөрүндө, Жайыл районундагы айрым айылдарда жарык өчүрүлөт. Өчүрүүлөр жабдууларды оңдоо иштерине байланыштуу болот.

.