Кайрат Нуртастын жубайы "Аалам сулуусу" сынагына катышып жатат

Казакстандык ырчы Кайрат Нуртастын жубайы Жулдыз Абдукаримова "Аалам сулуусу" сынагына катышып жатат. Бул тууралуу ал өзүнүн социалдык тармактагы баракчасына жазып калтырды.

"Бул жылы Казакстандын атынан "Аалам сулуусу" сынагына катышып жатам. Бул сынакта тек гана сырткы сулуулукту эмес, жан дүйнө сулуулугунун дагы айкалышын көрсөтүү зарыл. Сынактын негизги максаты - дүйнө жүзүндөгү айымдарды колдоо", - деп жазып калтырган ал.

"Аалам сулуусу" сынагы 2007-жылдан бери өткөрүлүп келет. Алгачкы жолу Болгарияда өткөн. Сынактын негизги шарты кайсы өлкөдөн болбосун 18 жаштан 55 жашка чейин үй-бүлөлүү айым катышуусу кажет. Аталган сынак быйыл коронавирус илдетинен улам онлайн форматта өтөт.